Tani që keni cementuar definitivisht kurorën apo urën ju duhet të pregaditeni për disa gjëra që ju presin. Fillimisht mund të përjetoni ndonjë ndjeshmëri në ditët e para nga i ftohti, kjo është normale përshkak të irritimit që vjen nga cementi. Zakonisht ju ndihmojnë pastat e dhëmbëve kundër ndjeshmërisë. Gjithashtu nëse pas disa ditësh ndjeni që kafshimi juaj nuk është normal, duhet ta telefoni klinikën për të modifikuar detajet e pengesës që keni. Është jashtëzakonisht e rëndësishme për të mbajtur higjienën orale të mirë me kurorën ose urën tuaj të re. Shumë njerëz kanë konceptin e gabuar se dhëmbi i ri i vendosur nuk ka nevojë më të mirëmbahet. Kurorat dhe urat dentare janë përsëri të sulmuar nga kariesi afër linjës së gingivës, sikurse te dhëmbët natyral.
Shumica e kurorave dhe urave kanë një shtresë të jashtme qeramike ose janë tërësisht qeramike. Këto materiale janë të fuqishme dhe ngjyrë-stabile, gjithesesi ato prap kanë potencial frakturimit sikurse dhëmbët natyral. Ndryshimet e temperaturave në mënyrë drastike rritë mundësinë e frakturimit të porcelanit dhe dhëmbit natyral.
Urat fikse kërkojnë pastrim të vecant posht pontikut (dhëmbi që mungon). Të gjitha këto detaje e instruksione se si të mirëmbahet higjiena orale duhet kërkuar nga dentisti një shpjegim të hollësishëm.
